Хэзээ ч үнсэж амжилгүй алдах шиг
Сэрэл мэдрэхүй мэт орон зайг
Өдөөж чадалгүй өнгөрөөх шиг
Тийм гашуун
Хүслэнт шунаг бие айсуй мэт саран цухуйж
Хөшиг мэт дүнсгэр үүлс халхалахад
Хүсэл тачаалын гал мэт салхин
Хормой доороос исгэрэн алсарах шиг
Тийм нясуун
Амьсгаадан мансуурах янаглал мэт шөнийг
Аяархан хуруугаараа дарж унтраах шиг
Ганцаардлын сархад мэт чамайг
Гурвантаа өөртөө хундаглан тогтоолоо
Бодол энгэр дагаж исээд
Би согтох шиг
Тийм хоосон.....
No comments:
Post a Comment